Nog adres

Хуссар Ирыстоны Нывгæнджыты цæдисы æрмадзтæ хæрзарæзт цæуынц

Хуссар Ирыстоны Нывгæнджыты цæдисы æрмадзтæ цы кæлæтдзаг бæстыхайы сты, уый сфидар кæныны сæраппонд кусджытæ ауагътой иу къорд мадзалы æмæ йын йæ æмбæрзт æнæхъæнæй раивтой. Уый тыххæй фехъусын кодта Нывгæнджыты Цæдисы сæрдар Цхуырбаты Тамерлан. Йæ ныхæстæм гæсгæ 1991 азы зæххæнкъуысты фæстæ бæстыхай нымад уыд «аварионыл». Уымæй дарддæр ма уый арæзт æрцыд ивгъуыд æнусты 50-æм азты кæрон æмæ нымад у рагон бæстыхайыл. Цхуырбаты Тамерлан банысан кодта, зæгъгæ, ацы куыст конд æрцыд Культурæйы министрады хъаруты фæрцы.
«Æппæт нывгæджыты номæй мæ бузныг зæгъын фæнды министр Остъаты Мадинæйæн Нывгæнджыты цæдисы архайдмæ йæ лæмбынæг хъусдард æмæ сæ проблемæтæ скъуыддзаг кæныны сæраппонд йе ’ххуысы тыххæй», — загъта уый.
Нывгæнджыты цæдисы сæрдары ныфс ис, бæстыхай тагъд рæстæджы ифтонг кæй æрцæудзæн хъармгæнæн системæйæ æмæ цалцæггонд кæй æрцæудзæн. Уыимæ иумæ уый хорз æмбары, ныртæккæ финансон фæрæзтæ ссарын æнцон кæй нæу ахæм куыстытæ бакæнынæн.
Абоны бон 13 коммунары уынджы цы æрмадзтæ ис, уыдоны сфæлдыстадон куыст кæны 12 нывгæнæджы.