Nog adres

«Рес» хъусын кæны

СЫВÆЛЛÆТТЫ ФЫЦЦАГ ФÆЛТÆР БАУЛÆФЫД ГУФТАЙЫ ЛАГЕРЫ

Йæ куыст фæцис, Дзауы районы Гуфтайы астæуккаг скъолайы базæйыл цы сæрдыгон æнæнизгæнæн лагер бакондæуыд, уымæн йæ фыццаг фæлтæр. Лагеры хистæр Дзигойты Альбинæ куыд фехъусын кодта, уымæ гæсгæ сменæйы баулæфыд 45 сывæллоны республикæйы алыгъуызон ахуырадон уагдæттæй.

«Сывæллæттæ райстой активон хайад æнæнизгæнæн æмæ хиирхæфсæн ерысты, кæцытæ хынцыд æрцыдысты лагеры программæйы фæлгæтты. Уагъд сын цыдысты викторинæтæ, спортивон ерыстæ, конкурстæ. Уымæй уæлдай ма сын организаци æрцыд балц хæхтæм, цыран сывæллæттæ базонгæ сты сæ алфæмбылайы æрдзимæ», - загъта Дзигойты Албинæ.
Банысан кæнын хъæуы уый дæр, æмæ лагеры фыццаг фæлтæры дыууæ къуырийы дæргъы кæй баулæфыдысты 11 азæй 15 азы онг кары сывæллæттæ.

ПАДДЗАХАДОН ДРАМОН ТЕАТРЫ БÆСТЫХАЙЫ АРÆЗТАД ЦÆУЫ ГРАФИКМÆ ГÆСГÆ

Подрядон организацитæ, кæцытæ архайынц Хетæгкаты Къостайы номыл Хуссар Ирыстоны паддзахадон драмон театры ног бæстыхайы арæзтадыл, фæстейæ нæ зайынц снысангонд æмгъуыдтæй. Уый тыххæй фехъусын кодта генералон подрядон организаци «Эверест»-ы директоры хæдивæг Ярослав Щигорев.
«Ныртæккæ райстам театры бындуры тыххæй æххæстгæнæн документаци. Куыстытæ цæуынц нормативон æмгъуыдтæм гæсгæ», - загъта уый.
Йæ ныхæстæм гæсгæ, аразджытæ кусынц бæстыхайы бындур саразыныл.
«Бæстыхайы бындуры фыццаг æмæ дыккаг блокты арæзтад фæцис. Кусынц фыццаг æмæ дыккаг блокты колоннæ бетонæй байдзаг кæныныл. Параллелон æгъдауæй архайæм æддагон хызæгты куыстытыл дæр», - радзырдта Щигорев.
«Театры бæстыхайы, куыд республикæйы арæзтцæуæг объектты фылдæр хайы, афтæ кусы бирæ специалисттæ æмæ техникæ, цæмæй графикæй фæстейæ ма баззайæм. Хуссар Ирыстоны паддзахадон драмон театры ног бæстыхайы арæзтад æххæст цæуы Хуссар Ирыстоны социалон-экономикон рæзтæн ахъазгæнæг Инвестицион программæйы фæлгæтты. Объект план цæуы эксплуатацимæ радтын 2015 азы», - йæ ныхасмæ бафтыдта «Эверест»-ы директоры хæдивæг.