Nog adres

РЕСПУБЛИКÆ ХУССАР ИРЫСТОНЫ ПРЕЗИДЕНТЫ БАРАМЫНД

Республикæ Хуссар Ирыстоны Хъахъхъæнынады паддзахадон службæйы хистæры хæдивæджы тыххæй
1.Дыгъуызты Геннади Хазбийы фырт нысан æрцæуæд Республикæ Хуссар Ирыстоны Хъахъхъæнынады паддзахадон службæйы хистæры хæдивæгæй.
2.Ацы Барамынд йæ тыхы цæуы къух ыл æрфыссыны бонæй.
Республикæ Хуссар Ирыстоны
Президент ТЫБЫЛТЫ Леонид
г. Цхинвал,
2012 азы 31 июль

>РЕСПУБЛИКÆ ХУССАР ИРЫСТОНЫ ПРЕЗИДЕНТЫ БАРАМЫНДТÆ
Республикæ Хуссар Ирыстоны Паддзахадон хорзæхтæй схорзæхджын кæныны тыххæй
Республикæйы раз сæ лæггæдты, физикон æмæ хæрзæгъдау, æнæниз фæсивæд схъомыл кæныны хъуыддагмæ се стыр сæрмагонд хайбавæрд бахæссыны æмæ клуб «Аполлон»-ы сырæзтыл 40-азы цытæн хорзæхджын æрцæуæд:

«РЕСПУБЛИКÆ ХУССАР ИРЫСТОНЫ 20-АЗЫ» МАЙДАНÆЙ
Джиоты Замирæ Лентъойы чызг;

Саулохты Тамарæ Никъалайы чызг.

РЕСПУБЛИКÆ ХУССАР ИРЫСТОНЫ КАДЫ ГРАМОТÆЙÆ
Къацты Олеся Филиппы чызг.

РЕСПУБЛИКÆ ХУССАР ИРЫСТОНЫ КАДДЖЫН НÆМТТÆ РАДТЫНЫ ТЫХХÆЙ
Хуызфыссынады аивады рæзты сæ лæггæдты æмæ бирæ азты дæргъы æнтыстджын сфæлдыстадон архайды тыххæй «Республикæ Хуссар Ирыстоны адæмон нывгæнæг»-ы кадджын ном лæвæрд æрцæуæд:
Санахъоты Валери Уасилы фыртæн - аивады дæсны, Республикæ Хуссар Ирыстоны сгуыхт нывгæнæгæн.
Ирон национ вокалон аивады рæзты се стыр лæггæдты æмæ бирæ азты дæргъы æнтыстджын куысты тыххæй «Республикæ Хуссар Ирыстоны сгуыхт артист»-ы кадджын ном лæвæрд æрцæуæд:
Бахъаты Мераб Георгийы фыртæн - Галаты Борисы номыл Республикæ Хуссар Ирыстоны зард æмæ кафты паддзахадон ансамбль «Симд»-ы хоры зарæггæнæгæн;
Хуыгаты Геннади Алиханы фыртæн - Галаты Борисы номыл Республикæ Хуссар Ирыстоны зард æмæ кафты паддзахадон ансамбль «Симд»-ы хоры зарæггæнæгæн.
Республикæ Хуссар Ирыстоны хъæды массивтæ хъахъхъæнын æмæ сæндидзын кæныны хъуыддаджы се стыр лæггæдты, бæрзонд профессионалондзинад æмæ бирæ азты дæргъы фæллойадон архайды тыххæй «Республикæ Хуссар Ирыстоны хъæды хæдзарады сгуыхт кусæг»-ы кадджын ном лæвæрд æрцæуæд:
Тыбылты Алихан Сергийы фыртæн - Республикæ Хуссар Ирыстоны Дзауы лесничествойы хъæдгæсæн;
Цхуырбаты Валери Григорийы фыртæн - Республикæ Хуссар Ирыстоны Хъорнисы лесни-чествойы хъæдгæсæн.

Бабаты Владимирæн «Милицийы булкъон»-ы радон специалон ном радтыны тыххæй
1. «Милицийы булкъон»-ы радон специалон ном лæвæрд æрцæуæд дæлбулкъон Бабаты Владимир Владимиры фыртæн - Республикæ Хуссар Ирыстоны Мидхъуыддæгты министрады фæсчъылдым ифтонг-кæнынады пенсион хайады хистæрæн.
2. Ацы Барамынд йæ тыхы цæуы къух ыл æрфыссыны бонæй.
Республикæ Хуссар Ирыстоны
Президент ТЫБЫЛТЫ Леонид
г.Цхинвал,
2012 азы 1 август